Sochti hongi yeh rahein chalte hue,
Rukhna kitna thaka deta hoga …
Sochti hongi yeh rahein mudte hue,
Anjaan ehsaas kitna romani hota hoga…
Sochti hongi do rahein milte hue,
Khud ko khona, paane ka doosra naam hoga…
Sochti hongi do rahein bichadte hue,
Apna kuch astitva, kya har baar, aise hi kho jata hoga
Sochti hongi yeh rahein manzil ki dahleez per,
Safar, jeet se kitna behter hoga…
